Amerikalıların cəmi 16 faizi Trampın fəaliyyətindən razıdır

Amerikalıların cəmi 16 faizi Trampın fəaliyyətindən razıdır
29.08.2017 02:55
Dünya 26
A- A+

ABŞ-ın "Pew Research" araşdırma mərkəzinin yeni sorğusunun nəticələrinə əsasən, amerikalıların yalnız 16 faizi Donald Trampın prezident postunda fəaliyyətindən razıdır.

Məlumata görə, bu barədə "The Washington Post" qəzeti yazıb.

Araşdırmanın nəticələrinə görə, hər 10 amerikalıdan 6-ı (58 faiz) Trampın fəaliyyətindən narazı olduqlarını bildirib. Respondentlərin 25 faizi bununla bağlı suala cavab verməkdə çətinlik çəkib.

Əvvəlki sorğu göstərib ki, amerikalıların 24 faizi prezidentin fəaliyyətini bəyənir. Lakin qəzet qeyd edir ki, ortadakı fərq əvvəlki sorğuda iki əvəzinə üç cavab variantının nəzərdə tutulmasından ibarətdir.

Nəşr qeyd edib ki, sorğunun hər ikisi yalnız bir məqamı göstərir: ABŞ prezidentinin fəaliyyəti amerikalıların böyük əksəriyyətində, hətta seçki kampaniyası zamanı Trampa səs verməyə, onun rəqibini dəstəkləməməyə çağıran tərəfdarları arasında da ziddiyyətli hisslərə səbəb olur./Report/


ŞƏRHLƏR

DİGƏR XƏBƏRLƏR

Bugünlük xəbərimiz yoxdur.